| 用左一晚既時間去接觸"重金屬" 和其他比較重口味的音樂 , 其實一直都對呢方面既音樂好好奇 , 無意中睇倒相關的視頻同討論就一直睇左成晚 ........ 由 Marilyn Manson 到 Slipknot , Mayhem , sopor aeternus 等等, 唔稱得上話鐘意 , 但係都接受倒 ... 直到silencer 同 Stalaggh我係完全接受唔倒 , 音樂加上MV 完全頂唔順 , 睇完勁辛苦 , 直情係心寒 , 我唔能夠聽曬成首 , 特別係stalaggh 有段unrelease 既"歌" ,係d 人o係度叫 , 後尾先知係搵班精神病人做vocal .............我心底裏質疑呢d 算唔算係音樂呢 ? 先唔好講比較極端既果兩個例子 , 拎sopor aeternus 為例 , 其實佢d 歌唔錯 , 不過聽完真係會好唔開心 , 細心d 留意之下仲會發覺其實佢d 歌係用左好多唔同既樂器 , 估唔倒呢d 比較重口味既音樂會用得著呢d 配樂 , 老實講 , 就算佢唔做呢d 音樂 , 都一樣會係一個好出色既音樂人 最後簡單總結下 , 一晚既時間去了解一種自己從未接觸過既音樂類型 , 真係太急 , 其實都稱唔上了解 , 只係大約認識下 , 可能一下止逼左太多野入腦 , 我打呢篇野果陣個心靈狀態其實都唔係好穩定 , 我第一次聽完音樂個人係會辛苦 , 呼吸會急促 , 不過我都明解點解會有人鐘意呢類音樂 , 在我而言我feel 倒一種好暴發性既不安 , 孤單 , 厭世等等既情緒 .........(特別係你搵倒歌詞翻譯既時候.......) , 我打緊呢篇野既時候 , 我係咁聽其他歌去洗腦 .........再keep 住呢種感覺 , 一定失眠 ...... |
